Friday, September 20, 2019

ဇော်ဂျီနဲ့ ယူနီကုဒ် နှစ်ကမ္ဘာအကြားဆက်သွယ်ရေး

ဒစ်ဂျစ်တယ်မြန်မာဘာသာစကားကို ဇော်ဂျီကနေ ယူနီကုဒ်စနစ်ကိုကူးပြောင်းစကာလမှာ ယူနီကုဒ်စနစ်ကို ပြောင်းပြီးသုံးလာကြသူတွေများလာပေမယ့် ဖုန်းနဲ့ ကွန်ပြူတာသုံးစွဲသူအားလုံးက တပြိုင်တည်းပြောင်းလာမဟုတ်ပါ။

ဇော်ဂျီဘက် အခြမ်းမှာ ကျန်နေသူတွေ အများကြီးရှိနေသေးလေတော့ သူတို့နဲ့ ယူနီကုဒ်စနစ်ကိုပြောင်းလဲသုံးစွဲလာသူတွေ အကြား မြန်မာဘာသာနဲ့ စာရေးဆက်သွယ်ရေးကပြသနာဖြစ်နေပါတယ်။

အလွန်တော်တဲ့ မြန်မာ အိုင်တီပညာရှင်များက ဖြေရှင်းနည်း မျိုးစုံကိုဖန်တီးပေးထားကြပါတယ်။
ကျနော်တို့ သုံးစွဲသူတွေက သုံးတတ်ဖို့ပဲလိုပါတယ်။

အိုင်တီသမားမဟုတ်ဘဲ သုံးစွဲသူတယောက်အနေနဲ့ အန်းဒွိုက် ဖုန်းတွေနဲ့ပတ်သတ်ပြီး အများစုအသုံးတည့်မယ်အချက်တချို့ကိုပဲ အခုဒီပို့စ်မှာ ရှဲမှာပါ။

ဒီအထဲမှာ အပြန်အလှန် ဆက်သွယ်ရေးအတွက်ပဲရေးမှာပါ။

လက်ရှိပြသနာ

လက်ရှိအချိန်မှာ အဓိကပြသနာက ဇော်ဂျီနဲ့လာတဲ့ မက်ဆေ့ကို ယူနီကုဒ်ဖုန်းမှာ ဖတ်လို့မရဘူး၊ ကိုယ်ပြန်ပို့တဲ့ မက်ဆေ့က ယူနီကုဒ်ဖြစ်နေလို့ တဖက် ဇော်ဂျီသုံးနေသူက ဖတ်မရဘူး

လိုအပ်ချက်

၁. မြန်မာစာသုံးသူအားလုံးယူနီကုဒ်ကိုပြောင်းပြီးသုံးဖို့ပါ။ အဲလိုပြောင်းလာလိုက်တာနဲ့ ဖေါ်ပြပါ ပြသနာတွေ မရှိတော့ပါ။ ခက်တာက ဇော်ဂျီဘက်အခြမ်းမှာ ကျန်နေသူတွေထဲမှာ မပြောင်းချင်လို့နေခဲ့သူတွေရှိသလို ပြောင်းပြီးလျင်အဆင်မပြေဖြစ်မှာကိုကြောက်လို့ မပြောင်းသေးသူတွေ၊ ပြောင်းဖို့ကြိုးစားပါသော်လည်း မိမိဖုန်းရဲ့ အခြေအနေအရ ပြောင်းမရသေးသူတွေ၊ ပြောင်းရကောင်းမှန်းကို မသိသေးသူတွေ၊ ပြောင်းချင်သော်လည်း မပြောင်းတတ်လို့ ကျန်နေသူတွေဆိုပြီး အမျိုးမျိုးရှိကြမှာပါ။ လောလောဆယ် စပ်ကူးမှတ်ကူးကာလမှာ ရေတိုဖြေရှင်းနည်းလိုပါတယ်။

၂ ယူနီကုဒ်ဖုန်းတွေကိုဝင်လာတဲ့ ဇော်ဂျီနဲ့ရေးထားတဲ့စာတွေ ကိုဖတ်လို့ရဖို့

၃. မိမိရဲ့ ယူနီကုဒ်ဖုန်းထဲကနေ မက်ဆေ့ကိုပြန်ရေးပြီး ဇော်ဂျီသုံးသူဖတ်လို့ရအောင်ပြောင်းပြီးပို့ပေးဖို့ ။

ရေတိုဖြေရှင်းနည်းများ

ဇော်ဂျီနဲ့ ရေးထားတဲ့ စာတွေ ကို ယူနီကုဒ်ဖုန်းတွေမှာ ဖတ်လို့ရဖို့ ။

ဇော်ဂျီနဲ့ ရေးထားတဲ့ စာတွေကို Select လုပ်ပြီး copy လုပ်လိုက်ရင် clip board ပေါ်ကိုရောက်လာပါတယ်။

အဲဒီစာတွေကို ယူနီကုဒ်ဖြစ်အောင် converter တခုခုမှာရှိတဲ့ ဇော်ဂျီဘက်အခြမ်းမှာ Paste လုပ်လိုက်လျင်

converter က အဲဒီစာတွေကိုယူနီကုဒ်အနေနဲ့ပြောင်းပြီးပြပေးပါတယ်။ အဲလိုပြောင်းထားတဲ့စာတွေကိုကိုယ်လိုသလို ကူးပြီးသိမ်းလို့ရပါတယ်။

MM Font Converter, Rabbit Converter, PK Converter စသည်ဖြင့်အတော်များများရှိပါတယ်။

ဒီလို စာတွေကို copy လုပ်၊ converter app ကိုဖွင့်၊ paste လုပ်ပြီး convert လုပ် နဲ့အလုပ်ရှုပ်တာကိုသက်သာအောင် မြန်မာအိုင်တီပညာရှင်များက စာကို ကော်ပီကူးလိုက်တာနဲ့ Converter က Pop up window နဲ့ တခါတည်း ယူနီကုဒ်ကိုပြောင်းပြအောင်ကြံဆောင်လာရုံသာမက တချို့ကီးဘုတ်တွေမှာ အဲလို ကွန်ဗာတာကိုတွဲထည့်ပေးလိုက်ပါတယ်။ အဲဒီအခါ pop up converter ပါတဲ့ ကီးဘုတ်တွေသုံးနေသူတွေက ကိုယ်ဖတ်လို့မရတဲ့ ဇော်ဂျီနဲ့လာတဲ့စာ ၊ ရေးထားတဲ့ပို့စ်တွေမှာ စာတွေကို select လုပ်ပြီး copy လုပ်တာနဲ့ converter Window က pop up လုပ်လာပြီး ယူနီကုဒ် စာလုံးတွေဖြစ်အောင်ပြောင်းပြီးပြမှာပါ။

Popup converters

အဲဒီ pop up converter ရတဲ့ ကီးဘုတ်တချို့ကိုဒီမှာဖေါ်ပြထားပါတယ်။ တချို့ကီးဘုတ်တွေမှာ အဲဒီ pop up converter ကိုတခါတည်းဖွင့်ထားပေးပေမယ့်တချို့မှာတော့သုံးစွဲသူက ဖွင့်ပေးရပါတယ်။ ဒီလိုပြလို့ရဖို့ " Permit Drawing over other apps ဆိုတဲ့ ပါမစ်ရှင်တောင်းလာလျင်ဖွင့်ပေးထားဖို့တော့လိုပါတယ်။ အဲဒီပါမစ်ရှင်မရလျင် pop up လုပ်မရပါ။

ကီးဘုတ်အလိုက် pop up converter ဖွင့်ပုံလေးတွေကိုပြထားပါတယ်။

Bagan နဲ့ Frozen KB တွေမှာ Popup အတွက်ရွေးစရာသီးသန့်မပါပါ။ Z<=>U converter ကိုပဲဖွင့်ပေးရပါတယ်။

K Keyboard Smart PopUp

Manic KB Zawgyi Reader

TT Keyboard Clipboard converter

Gboard နဲ့ Swifkey တို့ ဗေကီးဘုတ် စတဲ့ pop up converter မပါတဲ့ Keyboard သုံးသူတွေကတော့ MM Font converter ကို Pop up function ဖွင့်ထားပြီးတွဲသုံးလို့ရပါတယ်။ တခုရှိတာက MM Font converter က background မှာ run နေမှ pop up ပေးမှာပါ။ အဲလို background မှာ run နေဖို့ MM Font converterကို အရင် ဖွင့်ပြီး back တခါနှိပ်ပြီးပြန်ထွက်ပြီးမှ ကျန်တဲ့ app ကိုဖွင့်ပါ။

ဇော်ဂျီနဲ့သာ ဖတ်လို့ရသူတွေဆိုကီု ယူနီကုဒ်ဖုန်းတွေကနေ စာပြန်လျင် ဇော်ဂျီကိုပြောင်းပြီး ပြန်ပို့နိုင်ဖို့

အဲဒီဇော်ဂျီ ယူနီကုဒ် ကွန်ဗာတာတွေက ကိုယ်က ယူနီကုဒ်နဲ့ ရေးတဲ့စာကို ဇော်ဂျီကိုပြောင်းပြီး ပြန်ပို့ချင်လျင်လည်း ကီးဘုတ်ရဲ့ အပေါ်တန်းမှာ ပတ်ချာလည်မျှားပုံ converter ကိုနှိပ်လိုက်လျင် ရေးထားတဲ့စာတွေကို ဇော်ဂျီကိုပြောင်းပေးလို့ ပြန်ပို့တဲ့အခါ ဇော်ဂျီအနေနဲ့ထွက်သွားတော့ တဖက်ကဇော်ဂျီပဲသုံးတဲ့ဖုန်းတွေမှာ ဖတ်လို့ရမှာဖြစ်ပါတယ်။

အောက်ဖေါ်ပြပါကီးဘုတ် 5 မျိုးလုံးမှာ အဲဒီလို ကွန်ဗာတာတွေ ပါလာပါပြီ။ အဲဒီကွန်ဗာတာတွဗက အဆင်သင့်သုံးဖို့ပါပြီးသားဖြစ်လို့ အဖွင့် အပိတ်လုပ်စရာမလိုပါ.။ popup converter တွေကိုတော့ အလုပ်မလုပ်သေးလျင် ဖွင့်ထားမထားစစ်လို့ရပါတယ်။ ကီးဘုတ် တခုချင်းစီအတွက် ပုံတွေ တင်ထားပေးပါတယ်။