ႏွလုံးခုန္ေတာင္ရပ္သြားေလမလားပဲ (နှလုံးခုန်တောင်ရပ်သွားလေမလားပဲ)

ႏွလုံးခုန္ေတာင္ရပ္သြားေလမလားပဲ

၂၀၁၉ ဇြန္လ ၁၁ ရက္ တနလၤာေန႔ မွာ အေမရိကန္ႏိုင္ငံ ခ်ီကာဂိုၿမိဳ႕က  ၁၂ ခုေျမာက္ ကမာၻ႔အျမင့္ဆုံး Willis tower ရဲ႕ ၁၀၃ ထပ္မွာရွိတဲ့ Skydesk ေမွ်ာ္စင္ရဲ႕ နာမည္ႀကီး၊ The Ledge လို႔ေခၚတဲ့ မွန္ခင္းမွန္ကာ အစြန္းထြက္ အခန္းကေလးမွာ ျဖစ္ခဲ့တာပါ။ အမ်ိဳးသမီးတေယာက္နဲ႔ သူ႔ကေလး၂ ေယာက္ အဲဒီထဲမွာရွိေနစဥ္ မွန္သား ၾကမ္းခင္းမ်က္မွာျပင္က႐ုတ္တရက္ အက္ေၾကာင္းေတြေပၚလာၿပီး ဖုန္းကနဲ အစိပ္စိပ္ အမႊာမႊာ ျဖစ္သြားတယ္လို႔ မ်က္ျမင္ေတြ႕ခဲ့သူ Jesus Pintado ကဆိုပါတယ္။ 

Add caption

သူတို႔တေတြခမ်ာ ေၾကာက္လန႔္ၿပီး မ်က္ႏွာေတြ ေဖြးဆုတ္သြားတယ္လို႔ သူကေျပာပါတယ္။
တကယ္ကေတာ့ မွန္ျပားမ်က္ႏွာျပင္အေပၚယံကို ပြန္းရွ ျခစ္မိတာေတြကေနကာကြယ္ဖို႔ လုပ္ထားတဲ့ protective layer ဆိုတဲ့ အကာကြယ္ေပးအလႊာကေလး အက္ကြဲသြားတာပါ။  တန္၅၀ ဖိအားကို ခံႏိုင္တဲ့ တကယ့္ၾကမ္းခင္းမွန္ကေတာ့ ဘာမွမျဖစ္ပါ။
၂၀၁၄ ခုတုန္းကလည္း အခုလို အကာကြယ္ေပးအလႊာ ကြဲအက္တာ ျဖစ္ခဲ့ ပါေသးတယ္။
အဲဒီ ညေနပိုင္းမွာပဲ ကြဲသြားတဲ့ မွန္အကာကြယ္ေပးအလႊာကို အစားထိုးခဲ့ပါတယ္. ေနာက္တေန႔ကစၿပီး ဧည့္သည္ေတြလည္းပုံမွန္အတိုင္းလည္ပတ္ႏိုင္ခဲ့ပါတယ္။
ပုံမွန္အားျဖင့္လည္း အဲဒီအလႊာကို ႏွစ္စဥ္ အသစ္လဲလွယ္တယ္လို႔ဆိုပါတယ္။
ဘယ္လိုပဲျဖစ္ျဖစ္ ျအဒီေလာက္ အျမင့္ႀကီးမွာ မွန္ၾကမ္းခင္းေပၚ ကိုယ္ရပ္တုန္း  အဲဒီမွန္အက္ကြဲသြားတာကို ႀကဳံရလ်င္ေတာ့ ဘယ္သူမဆို ထိတ္လန္႔မိမွာ အမွန္ပါပဲ။

အေမရိကန္ႏိုင္ငံ ခ်ီကာဂိုၿမိဳ႕က ဝီးလီးစ္တာဝါ

အေမရိကန္ႏိုင္ငံ အီလီႏြိဳက္စ္ျပည္နယ္က ခ်ီကာဂိုၿမိဳ႕ မိုးေမွ်ာ္တိုက္ႀကီးေတြထဲကထိုးထြင္ေနတဲ့ ဝီးလီးစ္တာဝါဟာ ကမာၻ႔အျမင့္ဆုံးအေဆာက္အဦေတြထဲမွာ နံပတ္ ၁၂ ေနရာခ်ိတ္ၿပီး ကမာၻ႔အနာက္ဘက္အျခမ္းမွာေတာ့ ဒုတိယအျမင့္ဆုံး အေဆာက္အဦျဖစ္ပါတယ္။
၁၄၅၀ ေပျမင့္ၿပီး (အန္တန္နာတိုင္ပါပါလ်င္ ၁၇၃၀ ေပ) အထပ္ေပါင္း ၁၁၀ ရွိတဲ့ တုကႀကီးက ၿမိဳ႕လည္ေကာင္မွာရွိလို႔ အဓိကကေတာ့ ႐ုံးခန္းေတြအတြက္ေနရာေပးထားတာပါ။
Skydeck ဆိုတဲ့ အေမရိကားရဲ႕ အျမင့္ဆုံး ရႈေမွ်ာ္ခင္းၾကည့္ မွန္ကာထားတဲ့ အခန္းႀကီးကေတာ့ ၁၀၃ ထပ္မွာရွိၿပီး ေျမျပင္ကေန ၁၃၅၃ေပျမင့္ပါတယ္။ အနိမ့္ဆုံးအထပ္ကေတာ့ ေျမေအာက္၄၃ေပမွာရွိပါတယ္။ 

Willis Tower, Chicago 

ဒီမိုးေမွ်ာ္တိုက္ႀကီးကို ေဘးဘယ္ညာ သုံးေပအထိ ယိမ္းတာ ကို ခံႏိုင္ေအာင္ေဆာက္ထားၿပီး ပ်မ္းမွ် ဗဟိုကေန  ၆ လက္မေလာက္ တိမ္းတတ္တယ္ဆိုပါတယ္။
ေဒၚလာသန္း ၁၅၀ ေက်ာ္အကုန္အက်ခံၿပီး ၃ ႏွစ္ၾကာ အခ်ိန္ယူတည္ေဆာက္ခဲ့ရတဲ့ ဒီ အေဆာက္အဦကို ၁၉၇၃ ခုမွာ ဖြင့္ခဲ့ပါတယ္။
အထပ္ျမင့္ေတြကို သုံးစြဲသူေတြ အခ်ိန္ကုန္သက္သာေစဖို႔ တမိနစ္ကို ေပ၁၆၀၀ အထိတက္ႏိုင္တဲ့ ဓါတ္ေလွကားေတြတပ္ထားပါတယ္။
တေန႔ကို ပ်မ္းမွ် လူအဝင္ ႏွစ္ေသာင္းငါးေထာင္ေလာက္ရွိၿပီး ေမွ်ာ္စင္ကို လာလည္ေတြကေတာ့ တႏွစ္ကို ၁.၇ သန္းအထိရွိပါတယ္။

 The Ledge မွန္ကာ မွန္ခင္း ေဘးထြက္အခန္း

၁၀၄ ထပ္မွာရွိတဲ့ ေမွ်ာ္စင္ရဲ႕ ထူးျခားတဲံ့ဆြဲေဆာင္မႈတခုကေတာ့ နံရံအျပင္ကို ၄ ေပ ၃ လကၼ အစြန္းထြက္ေနတဲ့ The Ledge ေခၚ မွန္ခင္းမွန္ကာထားတဲ့အခန္း ၂ ခုပဲျဖစ္ပါတယ္။
တခုကို ေပါင္ ၇၅၀၀ ေလးတဲ့ ဖန္အိမ္ေတြကို လက္မဝက္ထူတဲ့ မွန္ျပားသုံးထပ္ကို တသားထည္းျဖစ္ေအာင္ ေပါင္းထားတဲ့ ဖန္ျပားေတြနဲ႔ ခင္းထားကာထားၿပီး အေဆာက္အဦးထဲကိုျပန္ဆြဲသြင္းလို႔ရေအာင္လုပ္ထားပါတယ္။

မွန္ခ်ပ္ေတြရဲ႕ အေပၚမ်က္ႏွာျပင္ကို ပြန္းရွတာ ျခစ္မိတာေတြကကာကြယ္ဖို႔ အေပၚယံတလႊာ ထပ္အုပ္ထားတဲ့ အတြက္ ေအာက္ ေပ ၁၃၅၃ ေပအထိကို ၾကည္လင္ ျပတ္သားစြာျမင္ႏိုင္ပါတယ္။
မွန္မွာ ႏွင္းေတြကပ္ေနလ်င္ ေပ်ာ္ေအာင္အပူေပးဖို႔  heat tracing ဆိုတဲ့ စနစ္ပါတဲ့ မွန္အိမ္ေတြဟာ ဖိအား ေပါင္တေသာင္းကိုခံႏိုင္ေအာင္တည္ေဆာက္ထားတာပါ။
လာေရာက္လည္ပတ္သူေတြအတြက္ ပတ္ဝန္းက်င္ ရႈေမွ်ာ္ခ်င္းကို မွန္နံရံကေန လွည့္ပတ္ ၾကည့္ႏိုင္႐ုံမ မွန္ခန္းထဲကေန ေအာက္ ေပ ၁၃၅၃ ေပကို အသည္းထိပ္စရာ ၾကည္ႏိုင္တဲ့ The Ledge ၊ ကေလးမ်ားအတြက္ အစီအစဥ္ အျပင္ lululemon Chicago Yoga In The Sky, Pie In The Sky , self-care in the sky စတဲ့ စိတ္ဝင္စားစရာ ပက္ေက့ခ်္ ေတြလည္းရွိပါတယ္,။
မဂၤလာေဆာင္၊ ေမြးေန႔ပါတီစသည္တို႔ကို ေမွ်ာ္စင္ အထက္မွာလုပ္လို႔ရသလို
 မွန္ခင္းအခန္း အစြန္းမွာထိုင္ၿပီး ညစာစားခ်င္ရင္လည္းရပါတယ္။
ဖိုးသုည
14-06-19

https://theskydeck.com/
https://goo.gl/maps/PBKxVX92ntPa1LfG6

နှလုံးခုန်တောင်ရပ်သွားလေမလားပဲ (Unicode) 

၂၀၁၉ ဇွန်လ ၁၁ ရက် တနင်္လာနေ့ မှာ အမေရိကန်နိုင်ငံ ချီကာဂိုမြို့က  ၁၂ ခုမြောက် ကမ္ဘာ့အမြင့်ဆုံး Willis tower ရဲ့ ၁၀၃ ထပ်မှာရှိတဲ့ Skydesk မျှော်စင်ရဲ့ နာမည်ကြီး၊ The Ledge လို့ခေါ်တဲ့ မှန်ခင်းမှန်ကာ အစွန်းထွက် အခန်းကလေးမှာ ဖြစ်ခဲ့တာပါ။ အမျိုးသမီးတယောက်နဲ့ သူ့ကလေး၂ ယောက် အဲဒီထဲမှာရှိနေစဉ် မှန်သား ကြမ်းခင်းမျက်မှာပြင်ကရုတ်တရက် အက်ကြောင်းတွေပေါ်လာပြီး ဖုန်းကနဲ အစိပ်စိပ် အမွှာမွှာ ဖြစ်သွားတယ်လို့ မျက်မြင်တွေ့ခဲ့သူ Jesus Pintado ကဆိုပါတယ်။

သူတို့တတွေခမျာ ကြောက်လန့်ပြီး မျက်နှာတွေ ဖွေးဆုတ်သွားတယ်လို့ သူကပြောပါတယ်။

တကယ်ကတော့ မှန်ပြားမျက်နှာပြင်အပေါ်ယံကို ပွန်းရှ ခြစ်မိတာတွေကနေကာကွယ်ဖို့ လုပ်ထားတဲ့ protective layer ဆိုတဲ့ အကာကွယ်ပေးအလွှာကလေး အက်ကွဲသွားတာပါ။  တန်၅၀ ဖိအားကို ခံနိုင်တဲ့ တကယ့်ကြမ်းခင်းမှန်ကတော့ ဘာမှမဖြစ်ပါ။

၂၀၁၄ ခုတုန်းကလည်း အခုလို အကာကွယ်ပေးအလွှာ ကွဲအက်တာ ဖြစ်ခဲ့ ပါသေးတယ်။

အဲဒီ ညနေပိုင်းမှာပဲ ကွဲသွားတဲ့ မှန်အကာကွယ်ပေးအလွှာကို အစားထိုးခဲ့ပါတယ်. နောက်တနေ့ကစပြီး ဧည့်သည်တွေလည်းပုံမှန်အတိုင်းလည်ပတ်နိုင်ခဲ့ပါတယ်။

ပုံမှန်အားဖြင့်လည်း အဲဒီအလွှာကို နှစ်စဉ် အသစ်လဲလှယ်တယ်လို့ဆိုပါတယ်။

ဘယ်လိုပဲဖြစ်ဖြစ် အြဒီလောက် အမြင့်ကြီးမှာ မှန်ကြမ်းခင်းပေါ် ကိုယ်ရပ်တုန်း  အဲဒီမှန်အက်ကွဲသွားတာကို ကြုံရလျင်တော့ ဘယ်သူမဆို ထိတ်လန့်မိမှာ အမှန်ပါပဲ။

 
အမေရိကန်နိုင်ငံ ချီကာဂိုမြို့က ဝီးလီးစ်တာဝါ

အမေရိကန်နိုင်ငံ အီလီနွိုက်စ်ပြည်နယ်က ချီကာဂိုမြို့ မိုးမျှော်တိုက်ကြီးတွေထဲကထိုးထွင်နေတဲ့ ဝီးလီးစ်တာဝါဟာ ကမ္ဘာ့အမြင့်ဆုံးအဆောက်အဦတွေထဲမှာ နံပတ် ၁၂ နေရာချိတ်ပြီး ကမ္ဘာ့အနာက်ဘက်အခြမ်းမှာတော့ ဒုတိယအမြင့်ဆုံး အဆောက်အဦဖြစ်ပါတယ်။

၁၄၅၀ ပေမြင့်ပြီး (အန်တန်နာတိုင်ပါပါလျင် ၁၇၃၀ ပေ) အထပ်ပေါင်း ၁၁၀ ရှိတဲ့ တုကကြီးက မြို့လည်ကောင်မှာရှိလို့ အဓိကကတော့ ရုံးခန်းတွေအတွက်နေရာပေးထားတာပါ။

Skydeck ဆိုတဲ့ အမေရိကားရဲ့ အမြင့်ဆုံး ရှုမျှော်ခင်းကြည့် မှန်ကာထားတဲ့ အခန်းကြီးကတော့ ၁၀၃ ထပ်မှာရှိပြီး မြေပြင်ကနေ ၁၃၅၃ပေမြင့်ပါတယ်။ အနိမ့်ဆုံးအထပ်ကတော့ မြေအောက်၄၃ပေမှာရှိပါတယ်။   

ဒီမိုးမျှော်တိုက်ကြီးကို ဘေးဘယ်ညာ သုံးပေအထိ ယိမ်းတာ ကို ခံနိုင်အောင်ဆောက်ထားပြီး ပျမ်းမျှ ဗဟိုကနေ  ၆ လက်မလောက် တိမ်းတတ်တယ်ဆိုပါတယ်။

ဒေါ်လာသန်း ၁၅၀ ကျော်အကုန်အကျခံပြီး ၃ နှစ်ကြာ အချိန်ယူတည်ဆောက်ခဲ့ရတဲ့ ဒီ အဆောက်အဦကို ၁၉၇၃ ခုမှာ ဖွင့်ခဲ့ပါတယ်။

အထပ်မြင့်တွေကို သုံးစွဲသူတွေ အချိန်ကုန်သက်သာစေဖို့ တမိနစ်ကို ပေ၁၆၀၀ အထိတက်နိုင်တဲ့ ဓါတ်လှေကားတွေတပ်ထားပါတယ်။

တနေ့ကို ပျမ်းမျှ လူအဝင် နှစ်သောင်းငါးထောင်လောက်ရှိပြီး မျှော်စင်ကို လာလည်တွေကတော့ တနှစ်ကို ၁.၇ သန်းအထိရှိပါတယ်။

 The Ledge မှန်ကာ မှန်ခင်း ဘေးထွက်အခန်း

၁၀၄ ထပ်မှာရှိတဲ့ မျှော်စင်ရဲ့ ထူးခြားတဲံ့ဆွဲဆောင်မှုတခုကတော့ နံရံအပြင်ကို ၄ ပေ ၃ လက္မ အစွန်းထွက်နေတဲ့ The Ledge ခေါ် မှန်ခင်းမှန်ကာထားတဲ့အခန်း ၂ ခုပဲဖြစ်ပါတယ်။

တခုကို ပေါင် ၇၅၀၀ လေးတဲ့ ဖန်အိမ်တွေကို လက်မဝက်ထူတဲ့ မှန်ပြားသုံးထပ်ကို တသားထည်းဖြစ်အောင် ပေါင်းထားတဲ့ ဖန်ပြားတွေနဲ့ ခင်းထားကာထားပြီး အဆောက်အဦးထဲကိုပြန်ဆွဲသွင်းလို့ရအောင်လုပ်ထားပါတယ်။

မှန်ချပ်တွေရဲ့ အပေါ်မျက်နှာပြင်ကို ပွန်းရှတာ ခြစ်မိတာတွေကကာကွယ်ဖို့ အပေါ်ယံတလွှာ ထပ်အုပ်ထားတဲ့ အတွက် အောက် ပေ ၁၃၅၃ ပေအထိကို ကြည်လင် ပြတ်သားစွာမြင်နိုင်ပါတယ်။

မှန်မှာ နှင်းတွေကပ်နေလျင် ပျော်အောင်အပူပေးဖို့  heat tracing ဆိုတဲ့ စနစ်ပါတဲ့ မှန်အိမ်တွေဟာ ဖိအား ပေါင်တသောင်းကိုခံနိုင်အောင်တည်ဆောက်ထားတာပါ။

လာရောက်လည်ပတ်သူတွေအတွက် ပတ်ဝန်းကျင် ရှုမျှော်ချင်းကို မှန်နံရံကနေ လှည့်ပတ် ကြည့်နိုင်ရုံမ မှန်ခန်းထဲကနေ အောက် ပေ ၁၃၅၃ ပေကို အသည်းထိပ်စရာ ကြည်နိုင်တဲ့ The Ledge ၊ ကလေးများအတွက် အစီအစဉ် အပြင် lululemon Chicago Yoga In The Sky, Pie In The Sky , self-care in the sky စတဲ့ စိတ်ဝင်စားစရာ ပက်ကေ့ချ် တွေလည်းရှိပါတယ်,။

မင်္ဂလာဆောင်၊ မွေးနေ့ပါတီစသည်တို့ကို မျှော်စင် အထက်မှာလုပ်လို့ရသလို

 မှန်ခင်းအခန်း အစွန်းမှာထိုင်ပြီး ညစာစားချင်ရင်လည်းရပါတယ်။

ဖိုးသုည

14-06-19

https://theskydeck.com/

https://goo.gl/maps/PBKxVX92ntPa1LfG6